Psa 93 | Vulgate_HebPs | STEP | Deus ultionum Domine Deus ultionum ostendere

Psalms 93

1 Deus ultionum Domine Deus ultionum ostendere 2 elevare qui iudicas terram redde vicissitudinem superbis 3 usquequo impii Domine usquequo impii exultabunt 4 fluent loquentes antiquum garrient omnes qui operantur iniquitatem 5 populum tuum Domine conterent et hereditatem tuam adfligent [ (Psalms 93:6) viduam et advenam interficient et pupillos occident ] [ (Psalms 93:7) et dixerunt non videbit Dominus et non intelleget Deus Iacob ] [ (Psalms 93:8) intellegite stulti in populo et insipientes aliquando discite ] [ (Psalms 93:9) qui plantavit aurem non audiet aut qui finxit oculum non videbit ] [ (Psalms 93:10) qui erudit gentes non arguet qui docet hominem scientiam ] [ (Psalms 93:11) Dominus novit cogitationes hominum quia vanae sunt ] [ (Psalms 93:12) beatus vir quem erudieris Domine et de lege tua docueris eum ] [ (Psalms 93:13) ut quiescat a diebus adflictionis donec fodiatur impio interitus ] [ (Psalms 93:14) non enim derelinquet Dominus populum suum et hereditatem suam non deseret ] [ (Psalms 93:15) quoniam ad iustitiam revertetur iudicium et sequentur illud omnes recti corde ] [ (Psalms 93:16) quis stabit pro me adversum malos quis stabit pro me adversum operarios iniquitatis ] [ (Psalms 93:17) nisi quia Dominus auxiliator meus paulo minus habitasset in inferno anima mea ] [ (Psalms 93:18) si dicebam commotus est pes meus misericordia tua Domine sustentabat me ] [ (Psalms 93:19) in multitudine cogitationum mearum quae sunt in me intrinsecus consolationes tuae delectabunt animam meam ] [ (Psalms 93:20) numquid particeps erit tui thronus insidiarum fingens laborem in praecepto ] [ (Psalms 93:21) copulabuntur adversus animam iusti et sanguinem innocentem condemnabunt ] [ (Psalms 93:22) erit autem Dominus mihi in refugium et Deus meus quasi petra spei meae ] [ (Psalms 93:23) et restitues super eos iniquitatem suam et in malitia sua perdes eos perdet eos Dominus Deus noster ]